ຄາຖາມະທາຕຸ 1
1. ຄາຖາມະຫາທາຕຸ ຄື ຄາຖາທາດ 4 ໄດ້ແດ່
1.1. ດິນ ຄື ປະຖະວີທາຕຸ 21
1.2. ນ້ຳ ຄື ອາໂປທາຕຸ 12
1.3. ລົມ ຄື ວາໂຍທາຕຸ 7
1.4. ໄຟ ຄື ເຕໂຊທາຕຸ 6
- ແລະ ອາກາດທາຕຸ 10
2. ມະຫາທາຕຸທັງ 4 ນັ້ນເປັນຈັ່ງໃດ ?
ນະ ຄື ທາຕຸນ້ຳ
ໂມ ຄື ທາຕຸດິນ
ພຸທ ຄື ທາຕຸໄຟ
ທາ ຄື ທາຕຸລົມ
ຍະ ຄື ອາກາສທາຕຸ
- ຣວມເຂົ້າກັນເປັນ ນະ ໂມ ພຸທ ທາ ຍະ
ທາຕຸທັງ 4 ນີ້ສຳຄັນຢ່າງໃດ ?
ໃນສິ່ງທີ່ມີຊີວິຕ ເຊັ່ນມະນຸສຍ໌ເຮົານີ້ທີ່ມີຕົນຕົວ ກໍຈະຕ້ອງປະກອບໄປ້ດ້ວຍທາຕຸ 4 ຄື ດິນ, ນ້ຳ, ລົມ, ໄຟ ສິ່ງທີ່ມີຊີວິຕຫາກຂາດທາຕຸທັງ 4 ນີ້ແລ້ວ ຈະເປັນຮ່າງກາຍບໍ່ໄດ້ ຈະມີຊີວິຕບໍ່ໄດ້ ດັ່ງນັ້ນ ການຮຽນຄາຖາອາຄົມທີ່ຈະໃຫ້ເຂັດຂັງ ກໍຈະຕ້ອງມີຄາຖາມະຫາທາຕຸ ປະກອບຢູ່ດ້ວຍ ຖືວ່າເປັນແມ່ທາຕຸ ຄື ນະ ໂມ ທຸທ ທາ ຍະ ນັ້ນເອງ.
ທ່ານຜູ້ມຣອາຄົມ ເວລາເສກວັຕຖຸມຸງຄຸລ ເຊັ່ນພຣະ, ຂອງ, ກະຕຸດ ແລະຍັນຕ໌ສຳເຣັຈແລ້ວ ເພີ່ນຈຶ່ງບັນຈຸແມ່ທາຕຸລົງໄປ ຈຶ່ງຈະສຳເຣັຈຢ່າງສົມບູນຍ໌ຍິ່ງຂຶ້ນ.
ກາຣເສກວັຕຖຸມຸງຄຸລ ທີ່ເປັນສເນຫ໌ ຫາກບັນຈຸແມ່ທາຕຸລົງໄປ ກໍຈະເພີ່ມຄວາມມີສເນຫ໌ຍິ່ງຂຶ້ນ.
ກາຣເສກວັຕຖຸມຸງຄຸລ ໃນດ້ານແຄ້ວຄົງ ຫາກບັນຈຸຄາຖາແມ່ທາຕຸລົງໄປ ກໍຈະບັງເກີດຄວາມສັກສິທ ໃນເຣື່ອງຂອງແຄ້ວວຄົງຍິ່ງຂຶ້ນ
ກາຣປຸກ ເສກທາງໄລ່ພູຕຜີປີສາຈ ສະເດາະເຄາະຫຼືຂັບໄລ່ສນຽຈ ຈັງໄຮ ຫາກບັນຈຸຄາຖາແມ່ທາຕຸລົງໄປ ກໍຈະສັກສິທໃນດ້ານຂອງພູດຜີເກງກົວ ແລະສະເດາະເຄາະຕ່າງກໍຈະຕົກລົ່ນ.
ຫຼືຈະປຸກເສກໃນດ້ານກັ້ງບັງ , ກັນ, ສະກົດຈິຕ, ເຫາະເຫີນ, ເດີນອາກາສ ແລະອື່ນໆຫາກບັນຈຸຄຖາແມ່ທາຕຸລົງໄປ ກໍຈະເພີ່ມອິທທິຣິທໃນດ້ານນັ້ນໆຍິ່ງຂຶ້ນ ເປັນກາຣເສີມສ້າງພະລັງໃຫ້ເຂັ້ມແຂງ ເພີ່ມອິທທິຣີທໃຫ້ແກ່ກ້າ ເຂັດຢຳ.
ແມ່ນແຕການປຸກເສກ ປະຈຳວັນກ່ອນທີ່ຈະນຳເອົາເຄື່ອງຂອງຮັກສາເຫຼົ່ານັ້ນມາແຂວຄໍ ຖ້າຫາກໄດ້ອາຣາທນາຄາຖາແມ່ທາຕຸໃຫ້ແລ້ວ ຄື ນະ ໂມ ພຸທ ທາ ຍະ ຈະບັງເກີດຜົລໃນດ້ານຕ່າງໆເຫຼົ່ານັ້ນ ດັ່ງທີ່ຈະກ່າວໃນບົທຕໍ່ໄປນັ້ນແລ.
ไม่มีความคิดเห็น:
แสดงความคิดเห็น